چترال پولیس کی کوششوں سے 35 سالہ طویل تنازعہ حل ہو گیا

اشتہارات

چترال(چ،پ) چترال پولیس ایون سرکل کی کوششوں سے علاقے میں گذشتہ 35 سالوں سے جاری تنازعہ بالآخر ختم ہو گیا۔

ڈسٹرکٹ پولیس آفیسر لوئر چترال افتخار شاہ کے خصوصی احکامات پر عوام کے درمیان تنازعات کو باہمی صلح اور اتفاق رائے سے حل کیا جارہا ہے اور اسی تسلسل میں تھانہ ایون کے سرکل میں پولیس نے ایک اہم عوامی تنازعے کو حل کردیا۔

لوئر چترال کے علاقہ بریر اور بریر نسار کے لوگوں کے مابین بریر گول میں ایک 50kv پن بجلی گھر پر 35 سالوں سے تنازعہ چلا آرہا تھا۔

ایس۔ڈی۔پی۔او سرکل بمبوریت احمد عیسی کی سربراہی میں ایس۔ایچ۔او تھانہ ایون سب انسپکٹر عطاء الرحمن نے دونوں فریقین کے مابین طویل گفتت وشنید کے بعد راضی نامہ کر کے اس تصفیے کو پر امن طریقے سے حل کردیا۔

اس موقع پر دونوں فریق بغلگیر ہوگئے ، دونوں فریقین نے اس مصالحت کے لئے کوششیں کرنے اور پر امن حل کے لئے راہ ہموار کرنے پر لوئر چترال پولیس کے کردار کو سراہا۔