مسلم ایڈ پاکستان کی طرف سے چترال میں مستحق خاندانوں میں رمضان پیکج تقسیم کیا گیا

اشتہارات

چترال(چ،پ)مسلم ایڈ پاکستان کے چترال برانچ کی طرف سے چترال ٹاون کے یونین کونسل چترال ون اور چترال ٹو کے گاوں مغلاندہ، ٹھینگشن ، ژانگ بازار، ڈنگریکاندہ ، زرگراندہ ، چیو ڈوک ، گولدور اور شالیدین ) سے تعلق رکھنے والے مستحق خاندانوں میں رمضان پیکج تقسیم کیا گیا۔
مستحقین میں معذور اور بیوہ افراد بھی شامل تھے۔
اس حوالے سے مسلم لیڈ چترال آفس نے بتایا کہ یہ اقدام رمضان المبارک کے مقدس مہینے میں ضرورت مند افراد کی مدد کے لیے اٹھایا گیا جس کا مقصد کمیونٹی میں یکجہتی اور بھائی چارے کو فروغ دینا ہے۔

یہ فلاحی سرگرمی چترال میں مسلم ایڈ پاکستان چترال لویر کی جانب سے جاری اقدامات کا حصہ ہے، جس میں مختلف علاقوں میں مستحق خاندانوں کی مدد کی جا رہی ہے۔

میڈیا سے گفتگو کرتے ہوئے مقامی افراد نے مسلم ایڈ پاکستان چترال برانچ کے اس اقدام کو سراہتے ہوئے ان کا شکریہ ادا کیا۔ ان کا کہنا تھا کہ یہ واقعی ایک احسن قدم ہے، جو نہ صرف ضرورت مندوں کی مدد کرتا ہے بلکہ معاشرتی ہم آہنگی کو بھی مضبوط کرنے کے ساتھ ساتھ مہنگائی سے پیسے ہوئے غریب طبقے کے لیے ایک احسن اقدام ہےاور اللہ تعالیٰ مسلم ایڈ چترال لوئر اور اس کے عملے کو اس نیکی کا بہترین صلہ دے۔