جنوبی وزیرستان میں سیکورٹی فورسز کی کاروائی، 30 دہشت گرد ہلاک کردئیے گئے
اشتہارات
پشاور(ویب ڈیسک)سیکورٹی فورسز نے فتنہ الخوارج کے خلاف موثر کاروائی کے دوران جنوبی وزیرستان کے علاقہ سراروغہ میں تیس دہشت گردوں کو ہلاک کردیاہے۔ آئی ایس پی آر کی جانب سے جاری کئے گئے بیان کے مطابق سیکیورٹی فورسز نے ضلع جنوبی وزیرستان کے شہری علاقے سراروغہ میں خوارج کی موجودگی کی خفیہ اطلاع کی بنیاد پر کارروائی کی۔
آئی ایس پی آر کے مطابق کارروائی کے دوران سیکیورٹی اہلکاروں نے خوارج کے ٹھکانے پر مؤثر کارروائی کی، جس کے نتیجے میں 30 خوارج کو ہلاک کردیا گیا۔بیان میں کہا گیا کہ علاقے میں مزید خوارج کی موجودگی کی صورت میں خاتمے کے لیے کارروائی کی جا رہی ہے۔
آئی ایس پی آر نے بتایا کہ پاکستان کی مسلح افواج ملک سے دہشت گردی کے ناسور کو ختم کرنے کے لیے پرعزم ہیں۔