254

چترال پولیس کی کاروائی،بھاری مقدار میں دھماکہ خیز بر آمدکرکے ملزم کو گرفتار کرلیا ہے، ڈی پی او چترال

چترال (چ،پ) چترال پولیس نے ایک کامیاب کاروائی کے دوران بھاری مقدار میں دھماکہ خیز مواد برآمد کرکے افغان شہری کو رنگے ہاتھوں گرفتار کرلیا۔ ڈسٹرکٹ پولیس آفیسر سونیہ شمروز خان نے مقامی میڈیا کو بتایاکہ سی ٹی ڈی اور حساس اداروں کے ساتھ مشترکہ سرچ اینڈ اسٹرائک آپریشن کیا گیا جس کے دوران دروش بازار میں واقع ایک دکان پر چھاپے کے دوران آفتاب ولد محمد اعظم مہاجر کی دوکان سے 21850 میٹر سیفٹی فیوز اور 1911 عدد ڈینامائیٹ برآمد کرکے ملزم کو گرفتار کیا گیا۔ ابتدائی تفتیش میں ملزم نے برآمد شدہ پاؤڈر اور دھماکہ خیز مواد کو اپنی ملکیتی بتلاکر اپنے آپکو ایک کالعدم تنظیم کا سرگرم رکن بتایا اور مزید انکشاف کیا کر وہ یہ مواد تخریب کاریوں میں استعمال کرنے کے لئے رکھا تھا۔ ڈسٹرکٹ پولیس آفیسر نے اس عزم کا اظہار کیاکہ ایسے شرپسند عناصر کو چترال کے پرُامن ماحول کو خراب کرنے کی اجازت نہیں دی جائیگی۔ملزم کے خلاف سی ٹی ڈی تھانہ سوات میں انسداد دہشت گردی ایکٹ کے دفعہ 7اور ایکسپلوزیوز ایکٹ کے دفعہ 4/5کے تحت مقدمہ درج کرکے ان کا دس دن کا ریمانڈ حاصل کرلیا گیا ہے۔