اپر چترال میں بریپ کے مقام پر ٹریفک حادثہ ، چارافراد جان بحق 10زخمی

اشتہارات

بونی (چترال پوسٹ)چترال شہرسے اپر چترال کے علاقے یارخون لشٹ جانے والی گاڑی بریپ پلموٹھینگ کے مقام پرگہری کھائی میں جاگری جس کے نتیجے میں چارافراد جان بحق 10زخمی ہیں۔زخمیوں کوریسکیو1122کی ایمبولینس میں آرایچ سی مستوج اورتحصیل ہیڈکواٹرہسپتال بونی منتقل کردیاگیا۔جن میں تین کی حالت نازک بتائی جارہی ہے اورانہیں چترال لوئراورپشاورریفرکیے گئے ۔تفصیلات کے مطابق حادثے کا شکار ہونے والی بدقسمت ٹیوٹا لینڈکروزر گاڑی نمبر 1340 جسے ڈرائیور شیر نادرچلارہاتھا 17مسافروں کو لیکر چترال سے یارخون لشٹ جارہی تھی کہ رات 10بجے کے قریب بریپ کے قمام پر تنگ اور خستہ حال سڑک سے گہری کھائی میں جاگری ۔
پولیس ذرائع کے مطابق جان بحق ہونے والوں میں ڈرائیورشیرنادرسکنہ چیٹی ساربالائی یارخون ،زوجہ (ر)صوبیدارشیرولی سکنہ اچھوہنون اور دو بچے جن کے عمراٹھ سے دس سال کے درمیان تھیں ۔بچوں کی شناخت ابھی نہیں ہوئی ہے ۔ زخمیوں میں مزمیل ولد سردار،علی بخت دختر سردار،خوبان زوجہ سردار ساکنان شوست یارخون،عائشہ زوجہ علی اکبر ،شمس اکبر دختر اکبر علی سکنہ ،صدام والد قدم ساکنان یارخون لشٹ،نور تاج دختر اکبر خان سکنہ شوڑکوچ، شیر ولی والد کمال سکنہ اچھوہنون اوردوسرے شامل ہیں۔

#Chitralpost