233

تجار یونین چترال الیکشن میں کامیابی تاجروں کا اعتماد ہے،تجار برادری کے شکر گزار ہیں/نومنتخب صدر بشیر احمد

چترال(بشیر حسین آزاد) تجاریونین چترال کے نومنتخب صدر بشیر احمد خان نے واضح کیا ہے کہ ان کی کامیابی میں وہ تمام تاجربرادری شامل ہیں جن کا تعلق تمام سیاسی جماعتوں سے ہے اور وہ بھی ہیں جوکہ کسی بھی سیاسی پارٹی سے تعلق نہیں رکھتے اور نہ ہی سیاسی بنیاد پر الیکشن تھے بلکہ اس الیکشن میں تاجر برادری نے اپنی نمائندگی کے لئے غیر سیاسی بنیاد وں پر عہدیدار کا چناؤ کیا۔ مقامی میڈیا سے گفتگو کرتے ہوئے انہوں نے متحدہ پینل پر اعتماد کرکے اسے ووٹ دینے پر تاجربرادری کا شکریہ ادا کرتے ہوئے کہاکہ ان کا تعلق کسی سیاسی پارٹی سے ضرور ہوسکتا ہے لیکن وہ ووٹ غیر سیاسی بنیادوں پر لے چکے ہیں اور ان کی حمایت کرنے والوں میں پی پی پی سے لے کر جے یوآئی، جماعت اسلامی، پی ٹی آئی اور مسلم لیگ (ن) اور اے این پی سے تعلق رکھنے والے اور سیاسی طور پر نیوٹرل دوست شامل تھے۔انہوں نے اس عزم کا اظہار کیا کہ چار ہزار کے لگ بھگ تاجربرداری کا منتخب نمائندہ کی حیثیت سے سب کا خادم ہے جنہوں نے ان کے پینل کے حق میں ووٹ دی ہو یا نہ دی ہو۔ درین اثناء بشیر احمد خان نے دوسرے روز دکان دکان جاکر تاجربراردی کا شکریہ ادا کرنے کا سلسلہ جاری رکھاجس میں ان کے ساتھ سینئر نائب صدر اظہر اقبال، جنرل سیکرٹری عبدالحق اور دوسرے بھی موجود تھے۔