66

شندور چترال کا حصہ ہے، ہندراپ نیشنل پارک کے حوالے سے سیاسی مخالفین پراپیگنڈا کر رہے ہیں/پی ٹی آئی قائدین

چترال(بشیر حسین آزاد)پاکستان تحریک انصاف چترال کے رہنماوں نے ہندراب شندورنیشنل پارک کے حوالے سے گلگت اورچترال کے مابین حالیہ دنوں میں اُٹھنے والے تنازعے کوبعض افرادکی طرف سے سیاسی مقاصدکے حصول اورافواہ قراردیتے ہوئے کہاہے کہ گلگت بلتستان اورچترال کے لوگوں کے مابین انتہائی گہرے قدیم تہذیب وثقافتی رشتے ہیں،انکے سامنے ایسے تنازعات کی کوئی حیثیت نہیں ہے۔گذشتہ روزچترال پریس کلب میں ایک پریس کانفرنس سے خطاب کرتے ہوئے پارٹی کے رہنماؤں محمداسرارصبورڈپٹی جنرل سیکرٹری ملاکنڈڈویژن،سابق تحصیل ناظم سینئر نائب صدرضلع لوئر چترال سرتاج احمدخان،ضیاء الرحمن،امین الرحمن، نثاردستگیر،،شاہد،صدام حسین،سجاد،رضی الدین،سابق وی سی چیئرمین سلطان محمدشیر اوردیگرنے کہاکہ شندورکے حوالے سے وفاقی وزیربابراعوان اورصوبائی حکومت نے واضح کیاہے کہ اس بارے میں گلگت بلتستان کے ساتھ کوئی معاہدہ نہیں کیاگیاہے اورنہ اس کی اجازات دی گئی ہے، شندور خیبرپختونخواکی زمین ہے اوراس کاحصہ رہے گا۔اس سلسلے میں پاکستان تحریک انصاف چترال کسی بھی طرح مصلحت پسندی کاشکارنہیں ہوگا۔ تاہم افواہوں کے ذریعے پاکستان تحریک انصاف کے صوبائی اورمرکزی حکومت کوبدنام کرنے کی کوشش کسی بھی طورپرقبول نہیں ہوگی۔انہوں نے کہاکہ ہم لاسپورکے عوام کے ساتھ ہیں اورانہیں یقین دلاتے ہیں کہ اُن کے مفادکے خلاف کسی بھی فیصلے کو مسترد کیا جائے گا۔ انہوں نے کہاکہ اس سلسلے میں کمشنر ملاکنڈسے بات چیت ہوئی ہے جس نے یقین دہانی کی ہے کہ اب تک ہنیڈنگ،ٹیکنگ کچھ بھی نہیں ہوئی ہے،اس لئے اس حوالے سے اُٹھنے والے افواہوں کومستردکرتے ہیں۔سرتاج احمدخان نے کہاکہ چترال شندورسی پیک روٹ کی وجہ سے ایک تجارتی حب بنتاجارہاہے،یہاں سے مستقبل میں وسطی اشیاء سے تجارتی رابطے ہوں گے اس لئے ایسے اہم موقع پرگلگت بلتستان اورچترال کے مابین تنازعات پیداکرنااورلوگوں میں غیریقینی صورت حال اوربے چینی پیداکرناکسی کے مفادمیں نہیں ہے اس لئے ان افوہوں کی ہم پرزورمذمت کرتے ہیں۔